Астана қаласы әкімдігінің «Мамандандырылған балалар үйі» МКМ-нің әкімшілігі ЖШС «QSM inginiring» ұжымына біздің балапандарымызға арнайы әкелген сыйлықтары үшін және ерекше мейірімі үшін шын жүректен алғысын білдіреді.

Беларусь Республикасының Қазақстан Республикасындағы елшілігі қолдауымен Круговых ЖК-нің «Черный Принц & Черный Граф» компаниясының балалар бөлімі, аниматорлар Ақшақар және Аяз атамен бірге елордалық балалар үйіне балаларымызды Жаңа жыл мерекесімен құттықтап, қуаныш сыйлау мақсатында арнайы келді.

Балалар үйінің ұжымы мен бүлдіршіндері атынан Астана қаласы әкімдінің «Жоғары медициналық колледж» ШЖҚ МКК-не, «Birge – taza Qazaqstan» республикалық акциясы аясында экологиялық сенбілік жұмыстарына көмектесіп, балаларымыз ойнайтын алаңдарды тазартып бергені үшін медициналық колледж студенттеріне және Рыскуль Сейльхановнаға шын жүректен алғыс білдіреміз.

Қоршаған ортаның тазалығына жауапкершілікпен қарау – әрбір азаматтың басты міндеті. Тазалықты жанына серік еткен Л.Н.Гумилев атындағы Еуразия ұлттық университетінің Заң факультетінің 4 курс студенттері мен деканның студенттермен жұмыс жөніндегі орынбасары Даурембеков Ерлан Курманалиұлына балаларымыз ойнайтын алаңдарды күздің сарғайған жапырақтарынан тазартып, сенбілік жұмыстарына көмектескені үшін шексіз алғысымызды білдіреміз.