Ұлыстың ұлы күні – Наурыз мейрамы қарсаңында Астана қаласы әкімдігінің «Мамандандырылған балалар үйі» МКМ-нде «Төрлет, әз Наурыз!» атты мерекелік ертеңгілік өтті. Мерекелік іс-шара барысында қазақтың ұлттық салт-дəстүрі «Бесікке салу» дəстүрінен үзінді көрсетіліп, Қыдыр атаның ақ батасын алған сүйкімді балалар, əрмен қарай қызықты ұлттық ойындар ойнап, тамаша көңіл-күймен қазақтың Жаңа жылын қарсы алды.

01.03.2023 жылы біздің балалар үйіне Қазақстан Республикасы Парламенті Сенатының депутаты Ниязова Нурия Исмагиловна балаларымыздың тыныс-тіршілігімен танысу үшін арнайы келді.

Ризашылығын білдіріп алғыс айтуды халқымыз бұрынғы заманнан хош көреді. «Ризашылық» білдірудің бірнеше әдістері бар: жылы жүзбен, іс-қимылмен және сөзбен. Өзге адамдар үшін бар ынтамен жасалған әрекеттің шынайы ризашылығын сезініп сүйсінесің.

Ертегілер әлеміне құштар, ізгілікке сенетін кез келген бала қуыршақ театрының қойылымын асыға күтеді. Қуыршақ театрының әр қойылымынан бала өзі іздеген жан тыныштығын табады, ерекше көңіл күйге бөленеді! Балалар әлемі ең көңілді, ең шынайы әлем! Ал қоғам осындай тазалыққа құштар!