Елордалық балалар үйінің маңызды әрі айтулы іс-шаралары әрқашан ерекше жылулықпен өтеді. Себебі біздің мерекелерімізде көз қуантатын ерекше сұлулық – "Medina Flowers" гүлдер дүкенінің арқасында болғанын айтқымыз келеді!

Сіздер біздің әрбір мерекелік сәтімізге, әрбір маңызды жиынымызға жан бітіріп, көрік бердіңіздер. Сіздер сыйлаған әрбір нәзік гүл шоғы, әрбір хош иісті гүл - балаларымыздың жүрегіне қуаныш пен эстетикалық ләззат сыйлады. Гүлдердің жанға жайлы иісі мен әдемілігі біздің ортамызды шынайы  сұлулыққа айналдырып, әрбір сәттерді ұмытылмастай етті.

"Medina Flowers" – бұл тек гүлдер дүкені ғана емес, бұл әлемге сұлулық пен мейірімділік сыйлайтын нағыз өнер ордасы екеніне көз жеткіздік. Гүлназ ханым, сіздің жомарттығыңыз бен ізгі ниетіңіз біздің балаларымыздың есінде мәңгі қалары сөзсіз. Әсіресе балалардың көзіндегі жарқыраған қуаныш, сіздердің осы еңбегіңіздің ең үлкен жемісі.

Гүлназ ханымға және "Medina Flowers" гүлдер дүкенінің ұжымына балалар үйінің барша тұрғындары мен ұжымы атынан шексіз алғысымызды білдіреміз! Сіздердің гүлденген бизнестеріңіз әрқашан гүлдей берсін, өмірлеріңіз де сол гүлдер сияқты әдемі әрі хош иісті болсын!

Елордалық балалар үйінің ұжымы мен бүлдіршіндері атынан №36 жалпы білім беретін мектептің ұжымына үлкен алғысымызды білдіреміз!

Ізгілікті жанына серік ететін жанашыр жандар үшін ең игі істердің бірі – қайырымдылық көмек көрсету.

Қайырымдылық жасау үшін асқан дәулет емес, жүректегі мейірім мен адал ниеттің болуы жеткілікті. 

Қайырымды жандар өзінің жанашырлығымен және таза ниетімен ерекшеленеді. Жанашыр, мейірімді жандарды «алтын жүректі адамға» теңейтіні де содан болар.

Балалар үйінің сәбилері мен ұжымы атынан, шатырымызда жиналған қарларды, қауіпті екеніне қарамай, қол ұшын беріп, тазарту жұмыстарын жүргізген Астана қаласы Төтенше жағдайлар департаменті қызметкерлеріне шексіз ризашылығымызды білдіреміз.

Қамқорлықпен көрсеткен көмектеріңіз екі есе жақсылық болып қайтсын. Қолға алған әрбір бастамаларыңыз сәттілік пен жетістік әкелсін.

Қайырымдылық – адамзат бойындағы ерекше бір қасиет болып саналады. Қайырымдылық ізгіліктің, адамның адамға деген таза ниетін, адамгершілік қарым-қатынасын көрсететін адамдардың бір-біріне деген сүйіспеншілігі мен көмегі. Қайырымды жандарды «алтын жүректі адамға» теңейтіні де содан болар.