Нұр-Сұлтан қаласы әкімдігінің «Мамандандырылған балалар үйі» МКМ-нде «1 мамыр – Қазақстан халқының бірлігі күні»  мерекесіне арналған «Қазақстан – бірлік пен татулық мекені»  атты мерекелік іс-шарасы ерекше көтеріңкі көңіл-күймен аталып өтті.

«Күнім» оңалту тобының  кезекті курсы аяқталды. Үш ай уақыт көлемінде мамандарымыз атқарған жұмыстар өз жемісін беріп,  бүлдіршіндердің шыдамдылығы, алғырлығы мен ерік-жігерінің арқасында жеткен керемет жетістіктері мен табыстарын мақтан тұтамыз!

Бала – біздің болашағымыз. Тәуелсіз еліміздің келешек ұрпағының тыныс-тіршілігенен, жай-күйінен хабардар болу мақсатында, Елордалық балалар үйіне Бас көлік прокуроры Сыбанқұлов Ернат Мұхаметқалиұлы мен Бас көлік прокурорының бірінші орынбасары Еламанов Жасұлан Бекмырзаұлы келді.

Таза қаланың тынысы кең. Бүгін ұжымымызбен сенбілікке шығып, сүйікті қаламыздың көркеюіне өзіндік үлесімізді қостық. Сенбілік барысында ағаш түптерін әктеу, балалар ойнайтын ойын алаңдарын тазалау және тағы да басқа санитарлық тазарту жұмыстары жүргізілді.