15 мамыр — 1993 жылы БҰҰ Бас Ассамблеясы бекіткен Халықаралық отбасы күні. Адам өмірі отбасынан басталып, азамат болып қалыптасуы да осы ортада жүреді. Отбасы — сүйіспеншілік пен құрметтің, ынтымақ пен тәрбиеңің мекені.

Балалар үйінде өткен отбасы апталығы аясында «Күнім», «Жұмбақ», «Шиелім» оңалту топтары мен «Ботақан» күндізгі тобының ұйымдастыруымен «Отбасы — бақыт мекені» атты отбасылық сурет көрмесі өтті. Көрмеде балалардың жылуға, бақыт пен махаббатқа толы отбасылық суреттері қойылды.

Іс-шараға белсенді қатысқан барлық аналарға шын жүректен алғысымызды білдіреміз.