Астана қаласы әкімдігінің «Мамандандырылған балалар үйінде» жыл сайынғы дәстүрлі «Күзгі Қиял» атты қолөнер бұйымдары көрмесі өтті.

Ең әсем, ең бояулы, ең берекелі мезгіл – Алтын Күз, балалардың қиялы мен шығармашылығына шабыт берді. Жылдың осы керемет уақытын, табиғаттың сұлулығын, күзгі молшылықты дәріптеу мақсатында, біздің тәрбиеленушілеріміз ерекше туындыларды жасады.

Көрмеге күндізгі топтардың ата-аналары мен біздің балаларымыздың тәрбиешілермен бірге жасаған әртүрлі композициялары қойылды. Әр бұйым – балалардың жүрегінен шыққан жылылық пен қиялдың жарқын көрінісі.

Қолөнер бұйымдарын жасауға атсалысқан барлық топтарға, тәрбиешілерге және ата-аналарға зор алғысымызды білдіреміз! Сіздердің еңбектеріңіз бен шығармашылықтарыңыз біздің балалар үйіне айрықша сұлулық пен мерекелік көңіл-күй сыйлады!